Y Gwasanaeth Diweddaru

Croeso i’r Gwasanaeth Diweddaru. Mae gwiriad Statws yn galluogi sefydliadau i weld a oes unrhyw wybodaeth berthnasol wedi cael ei hadnabod am yr unigolyn ers i’w Dystysgrif gael ei chyhoeddi ddiwethaf. Mae hyn yn lleihau’r angen i ofyn i unigolion wneud cais am Dystysgrifau lluosog os byddant yn symud o un swydd i’r llall yn yr un gweithlu neu pan fo angen ailwirio.

Gall sefydliadau wneud gwiriad Statws ar-lein yn gyflym i weld a yw Tystysgrif unigolyn yn dal yn gyfredol - gan arbed amser ac arian i chi.

Canlyniad gwiriad Statws dilys fydd un o’r canlynol:

• Nid yw’r Dystysgrif hon wedi datgelu unrhyw wybodaeth ac mae’n parhau i fod yn gyfredol gan na nodwyd unrhyw wybodaeth bellach ers ei chyhoeddi. Mae hyn yn golygu nad yw Tystysgrif yr unigolyn yn cynnwys unrhyw wybodaeth am drosedd nac am wahardd ac nid oes unrhyw wybodaeth newydd ar gael.
• Mae’r Dystysgrif hon yn parhau i fod yn gyfredol gan na nodwyd unrhyw wybodaeth bellach ers ei chyhoeddi. Mae hyn yn golygu nad oedd Tystysgrif yr unigolyn yn cynnwys unrhyw wybodaeth am drosedd nac am wahardd ac nid oes unrhyw wybodaeth newydd ar gael.
• Nid yw’r Dystysgrif yn gyfredol mwyach. Gwnewch gais am wiriad DBS newydd i gael y wybodaeth ddiweddaraf. Mae hyn yn golygu na ddylid dibynnu ar Dystysgrif yr unigolyn oherwydd bod gwybodaeth newydd ar gael yn awr a dylech ofyn am wiriad DBS newydd.